२०७६-शुभकामना!

रामनवमी 
हे !राम 'मरा ' हौ की,तिमी हरिराम ?
   पति प्रारब्धको स्वयं थियौ ,भयौ पतित सम पतझड़ ,
   कस्तो पाठ यो तिम्रो करुण ,कठोर कुंदन कष्टकर विहड़।
हे!राम---
   मोड़ी मोड़ बाढ़ि विक्रम ,तोड़ी तोडले वाजी बेजोड़ ,
   लीला प्रस्तुत गर्यौ परम ,घर वनवास वन सखी बिछोड।
हे!राम ---
   लोकलाई लौकिक चरित्र ,दर्शाउनु भो' आफ्नै घरको ,
   रचना खिरिलो रज्जु जाल , सीप थ्यो आखिर उही करको।
हे! राम ---
                             🌹🍇💑🌹


नव बर्ष
नव बर्षआयो डुल्दै ,हजूर मेरो स्वागत लिउं ,
फिंजारियो लाली पूर्व ,उठ्नु हवस बिउँझिउँ ।
        उमंगैले  भरिएर  , शिखर  छुन  पुग्यो  पवन ,
        उत्साहको सीमा काटी ,त्रि-कोसीले गरी नमन,
        वीज नयाँ प्रकृतिले ,झिकी यसलाई माटो दिउँ,
        नव बर्ष-----------------------------------------
मायालुको  मनोदशा , संधै  कोसलीले  भारी ,
शुभचिंतक शुभकामना दिन , ब्यस्त सड़क वरिपरि,
निखारिई बाह्रमासे , एक नजर छटा पिउँ ,
नव बर्ष ---------------------------------------------
         रेखाहरु कोरे कस्ले ?तर हत्केला तिम्रो मेरो ,
         जति कर्म उति फल ,पुष्ट्याउँ भकारिको घेरो।
         वहाल गरी अमन चयन, प्रगतिलाई बाटो दिउँ ,
         नव बर्ष आयो डुल्दै , हजूर मेरो स्वागत लिउं ।  
                                        🌄🌇